Os medios en galego queren vivir das achegas do seu público
Sermos, Diario Liberdade, Praza e GC piden unha Lei que regule a publicidade institucional pero insisten en que debe ser o público quen máis contribúa a manter os medios no idioma propio. Vídeo no interior.
Por Galicia Confidencial | | 26/06/2013 | Actualizada ás 10:18
A nova emisora por Internet Irmandade TV organizou un debate sobre os medios de comunicación en galego. Participaron Olalla Rodil de Sermos Galicia, Mauricio Castro, en nome do Diario Liberdade e colaborador de GC, Marcos Pérez de Praza e o director de GC Xurxo Salgado.
Os informadores teimaron na necesidade de regularizar a publicidade institucional cunha Lei. Ademais, reclamaron que se teña en conta aos medios en galego na percepción destas axudas.
En todo caso houbo consenso en que, sobre todo, debe ser o público quen forneza vías para a supervivencia dos medios en galego, pois teñen audiencia de abondo para non ter que depender do teto público.
O director do GC tamén insistiu en que aquelas empresas que realicen EREs ou despidan informadores non deberían ter acceso ás axudas públicas. Velaquí a conversa no plató de Irmandade TV:
