As chuvias das últimas semanas fan que os encoros galegos superen o 70% da súa capacidade
Subiron a concas do Miño Sil e de Galicia Costa.
Por Europa Press / Redacción | VIGO | 05/01/2021 | Actualizada ás 15:46
Os encoros galegos atópanse ao 70,46% da súa capacidade tras incrementarse en 153 hectómetros cúbicos as súas reservas hídricas na última semana, segundo o boletín semanal do Ministerio para a Transición Ecolóxica.
En concreto, os encoros da comunidade conteñen 2.617 hectómetros cúbicos de auga, máis do 70% da súa capacidade total, e na última semana sumaron 153.
Os encoros da conca Miño Sil acumularon 2.012 hectómetros cúbicos de auga fronte aos 1.889 da semana anterior, o que representa un aumento de 123. Deste xeito, pasaron a situarse ao 66,4% da súa capacidade máxima.
Así mesmo, as choivas dos últimos días permitiron incrementar a reserva hídrica dos encoros da conca Galicia Costa, que pasaron de conter 575 hectómetros cúbicos a 605. Así, rexistraron un aumento de 30 e atópanse ao 88,5% da súa capacidade.
