O PSdeG reclama a Xunta o reforzo da Atención Primaria e aumentar os rastreadores
Por E.P. | A CORUÑA | 15/01/2021 | Actualizada ás 18:51
O vicesecretario xeral do PSsdeG e deputado no Parlamento galego, Pablo Arangüena, reclamou á Xunta o reforzo da Atención Primaria e aumentar os rastreadores ante a actual situación sanitaria.
En rolda de prensa, xunto ao deputado no Congreso Diego Taibo, manifestou que desde o PSdeG apoian todas as medidas sanitarias que adoptou a Xunta. "E ímolo a seguir facendo por responsabilidade", engadiu.
No entanto, asegurou que a Xunta "pode e debe facer ese reforzo porque ten os orzamentos máis expansivos da historia, os orzamentos xerais do estado xunto coa aposta financeira da Unión Europea". "E porque a situación reclama que o faga", suliñou.
Tamén reiterou a petición de aumento de rastreadores e argumentou que o presidente da Xunta, Alberto Núñez Feijóo, "non o fixo a pesar de ter os medios para facelo". Por outra banda, sostivo que as pequenas empresas, os hostaleiros, os autónomos e o pequeno comercio "necesitan axuda urxentemente". "Axudas como as que lles dan os concellos, por exemplo o da Coruña", apostilou.
