(Vídeos) Persecución de película en Ordes con oito coches danados e catro axentes feridos
O home, baixo a influencia das drogas, conduciu sen neumáticos polas rúas deste concello.
Por Europa Press / Redacción | SANTIAGO DE COMPOSTELA | 27/01/2021 | Actualizada ás 09:53
Un home de 40 anos que conducía baixo os efectos de sustancias psicotrópicas foi detido tras unha persecución case de película na que chocou con catro coches da Garda Civil e un da Policía Local de Ordes e que se saldou con catro axentes da Benemérita feridos leves.
Así o informou o Instituto Armado, que relatou que sobre as 21,30 horas do martes día 26 de xaneiro un vehículo, tras observar a presenza policial, "emprendeu a fuxida a gran velocidade".
O turismo, da marca Audi e modelo A-6 de cor negra, emprendeu a fuxida pola localidade de Ordes e fixo caso omiso aos sinais de alto. Continuou polos termos municipais de Ordes e Oroso e chegou a embestir a catro vehículos da Garda Civil, un da Policía Local de Ordes e tres coches particulares.
As mesmas fontes puntualizaron que no marco do operativo resultaron lesionados catro compoñentes da Garda Civil de "carácter leve", puntualizou a Benemérita. Pola súa banda, o condutor de 40 anos de idade foi detido como presunto autor dos delitos de atentado a axentes da autoridade, así como dous delitos contra a seguridade colectiva por conducir de forma temeraria e baixo os efectos de sustancias psicotrópicas.
AHORA 🚨 Persecución y detención de película en Ordes, A Coruña
— SocialDrive (@SocialDrive_es) January 26, 2021
(Vídeo completo) pic.twitter.com/gnfIJrH3lB
