Por E.P. | A CORUÑA | 09/02/2021 | Actualizada ás 17:59
A portavoz da Marea Atlántica no Concello da Coruña, María García, instou á alcaldesa, Inés Rei, a pór "o corpo e a cabeza en 2021" e a aprobar "canto antes" un novo plan de choque e os convenios con entidades sociais, así como uns novos orzamentos para este ano.
García remitiulle este martes unha carta á alcaldesa, Inés Rei, para trasladarlle, segundo informa, "a súa preocupación pola maneira na que o Concello da Coruña comeza o ano".
"Sen uns orzamentos adaptados á realidade e sen as modificacións mínimas para parchear unhas contas elaboradas en 2019, antes da irrupción da pandemia". "Non só non se perciben avances, senón que nin sequera coñecemos borradores das propostas do goberno".
Na misiva, García pídelle o Rei que resolva "canto antes, o apoio ás entidades do terceiro sector e o novo plan de reactivación económica". E pídelle que "recapacite" e poña sobre a mesa uns novos orzamentos "centrados na emerxencia social, económica e sanitaria". "Non se pode gobernar cunhas contas deseñadas a finais de 2019", sostén.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.