Libera reúne 25.000 firmas para pedir que o Goberno "non ceda" ante o 'lobby' agrogandeiro e protexa o lobo
Considera que a posición da Xunta de Galicia respecto da caza do lobo ibérico "é inxustificada e insustentable".
Por Europa Press / Redacción | Santiago de Compostela | 16/02/2021 | Actualizada ás 20:26
A Asociación Animalista Libera reuniu 25.000 firmas para que pedir o Goberno "non ceda ante o 'lobby' agrogandeiro e cinexético" que piden manter a caza do lobo, decláreo como especie protexida e avance cara a un plan de convivencia natural.
En concreto, a Comisión Estatal de Patrimonio Natural do Ministerio de Transición Ecolóxica e Reto Demográfico (MITECO) propuxo a inclusión de todas as poboacións de lobo existentes en España na Listaxe de Especies Silvestres en Réxime de Protección Especial, o que leva que deixe de ser considerada especie de caza. Cantabria, Asturias, Castela e León e Galicia votaron en contra da proposta, postura á que se uniron outras comunidades autónomas.
Así as cousas, a asociación animalista recalcou que a posición da Xunta de Galicia respecto da caza do lobo ibérico "é inxustificada e insustentable se se atende aos datos específicos da comunidade" e acusouna de empregar datos de 2015 "para xustificar unha suposta poboación de carnívoros que avalaría a súa tese de que a caza é necesaria".
Deste xeito, reprobou que a Xunta dese voz a sindicatos agrogandeiros e ao 'lobby' procaza "cun claro interese electoralista" e insistiu en que "ningunha sociedade científica nin organismo serio avala continuar as batidas como modelo de xestión".
