O Goberno central asegura que "non ha lugar" ás manifestacións do 8M en pandemia

A ministra de Sanidade, Carolina Darias, asegurou este mércores que "non ha lugar" ás manifestacións polo Día Internacional da Muller, o próximo 8 de marzo, nunha situación de pandemia e fai un chamamento á "responsabilidade".

Darias foi preguntada, na rolda de prensa posterior ao Consello Interterritorial de Saúde, polas próximas celebracións previstas para este día e se ela acudiría ás mesmas, como fixo o ano pasado xunto a outras mulleres do seu partido e membros do Goberno. Días máis tarde da súa presenza na marcha do 8M, a ministra confirmaba o seu positivo por coronavirus.

"Por coherencia dunha chamada á responsabilidade que realicei, posto que aínda estamos en situación de risco extremo, non ha lugar", respondeu a titular de Sanidade. Ao seu xuízo, "a situación epidemiolóxica" actual "non permitiría levar a cabo" as manifestacións das que se está falando nos medios.

Darias fai estas declaracións o mesmo día no que o delegado de Goberno na Comunidade de Madrid, José Manuel Franco, anunciou que se prohibirán as marchas de máis de 500 persoas na capital o 8M.

Manifestación feminista en Verín o 1 de marzo, precedente deste 8 de marzo de 2020. GALEGAS 8M