Catro feridos tras chocar unha lancha contra unha batea en Boiro
Por Europa Press / Redacción | SANTIAGO DE COMPOSTELA | 30/06/2025 | Actualizada ás 20:04
Catro persoas resultaron feridas este luns tras chocar a lancha na que viaxaban contra unha batea en Boiro. Os catro feridos eran os únicos ocupantes da embarcación e tiveron que ser trasladados ao Hospital Álvaro Cunqueiro de Vigo.
Segundo explicou o 112 Galicia, foi un particular quen alertou ao redor das 18.30 horas da colisión, que se produciu na ría de Arousa, fronte á costa de O Chazo. Na chamada, alertaba tamén de que polo menos unha persoa estaba a sangrar pola boca e de que outra sentía dor nas costas, polo que se lles indicou que evitasen moverse.
Con todo, avisouse a Salvamento Marítimo --que mobilizou ao helicóptero Pesca I--, a Protección Civil de Boiro e á Garda Civil.
