Por E.P. | SANTIAGO DE COMPOSTELA | 02/03/2021 | Actualizada ás 20:29
O Foro Galego de Inmigración sumarase este mércores á concentración convocada polo sindicato CUT fronte aos xulgados de Ordes para denunciar un "grave caso de explotación laboral" que levou á detención dun empresario de Santa Comba a finais de agosto.
Segundo recolle nun comunicado o Foro Galego de Inmigración, esta protesta enmárcase na campaña de mobilización que leva a cabo CUT --que representa os intereses das vítimas-- e coincidirá coa declaración de tres dos investigados en sede xudicial.
A concentración levará por lema 'Nin explotación, nin impunidade. Fiscalía e Subdelegación responsábeis', xa que os convocantes consideran que estas institucións non cumpriron coa súa "obrigación de dar protección e autorizacións temporais" aos afectados.
Todo parte da detención deste empresario na zona de Santa Comba que, segundo o relato do Foro Galego de Inmigración, "mantivo traballando en situación de escravitude a varias persoas en situación irregular, sen contratar, abonar ningún salario e pedindo pagos por aloxamentos dos que finalmente eran expulsados ou directamente non existían".
O colectivo denuncia tamén que o detido cobráballes diferentes sumas "por regularizar a súa situación, autorizacións de traballo e residencia", aínda que "nunca chegaron e nunca foron sequera tramitados". Ademais, indica que un dos traballadores chegou a ser "secuestrado, coas mans atadas, golpeado, ameazado a punta de pistola e abandonado nun monte".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.