Estrella Galicia presume de ter logrado "cero emisións" nas súas fábricas

Hijos de Rivera asegura conseguir a neutralidade en carbono nas súas principais instalacións.

Por E.P. | Santiago de Compostela | 12/03/2021 | Actualizada ás 12:03

Comparte esta noticia

Hijos de Rivera asegura conseguir a neutralidade en carbono nas súas principais instalacións, o que equivale tecnicamente a que a actividade realizada nelas xere "cero emisións", segundo informou a empresa. Este logro, di, alcanzouno a través dun plan de redución da pegada de carbono da compañía en favor do emprego de enerxías máis limpas.

A xeración propia de biogás, en uso de enerxías renovables, a instalación de plantas fotovoltaicas, a incorporación de vehículos híbridos e a substitución de equipos nos clientes por modelos máis eficientes son algunhas das medidas que contribuíron á diminución progresiva das emisións.

Como último paso para a consecución deste obxectivo, Hijos de Rivera afirma que "compensou" as emisións "inevitables" con "a súa implicación" no proxecto 'The Envira Amazonia Forest' para a conservación forestal da Amazonia brasileira. Esta suposta pegada 0 afectaría á planta de Estrella Galicia na Coruña, así como ao resto de industrias da súa propiedade.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta