Por E.P. | SANTIAGO DE COMPOSTELA | 12/03/2021 | Actualizada ás 19:49
Os médicos galegos sufriron en 2020 un total de sete agresións, a maioría a facultativos menores de 35 anos e nos servizos de urxencias, segundo os datos facilitados polo Consello Xeral de Colexios Médicos. Este venres 12 de marzo, día europeo contra a violencia aos sanitarios, os colexios de médicos publicaron as estatísticas de agresións a facultativos rexistradas o pasado ano, no que, a nivel estatal, experimentouse un crecemento destes episodios.
En Galicia, segundo os datos achegados polos colexios, foron un total de sete as agresións sufridas por facultativos: catro a mulleres e tres a homes. O 60% dos agredidos eran médicos menores de 35 anos e a maioría destes episodios (o 75%) foron protagonizados por pacientes non programados. Con todo, só una do sete agresións rexistradas derivou nunha baixa médica.
Con estas cifras, nunha comunidade como Galicia con 14.817 médicos colexiados, a taxa de agresións situouse no 0,47%, máis dun punto por baixo da media estatal (1,63%), que acabou 2020 cun total de 441 episodios violentos cara a profesionais.
A MAIORÍA, EN URXENCIAS
En Galicia, o 57% das agresións producíronse nos servizos de urxencias, o que contrasta cos datos a nivel español, onde predominaron este tipo de incidentes na atención primaria, nivel asistencial que, na Comunidade galega, centrou o 29% destes episodios.
En canto ás causas, a maioría (o 42%) foron por discrepancias persoais co facultativo. Pola súa banda, o 28,7% das agresións foron polo tempo da atención, mesma porcentaxe que as que apuntan como motivo do episodio as discrepancias por razóns da atención técnica. Ademais, o 71% das vítimas destes episodios aseguran non recibir asesoramento no centro de traballo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.