Por E.P. | SANTIAGO DE COMPOSTELA | 23/03/2021 | Actualizada ás 14:00
A Axencia de Doazón de Órganos e Sangue (ADOS) realiza un "chamamento xeneralizado" á participación da cidadanía, e en especial aos grupos A positivo (A+); Cero positivo (0+); A negativo (A-) e B negativo (B-), ao descender as reservas dos principais grupos por mor dun aumento das necesidades hospitalarias.
Segundo explicou ADOS, as reservas dese catro grupos presentan niveis baixos, polo que incide na necesidade de "reforzar o permanente chamamento á participación nas campañas de doazón que fai a Consellería de Sanidade por medio de ADOS". Respecto diso, lembra que os hospitais galegos necesitan unha media de 500 doazóns diarias para levar a cabo "adecuadamente", puntualiza ADOS, o seu labor asistencial.
Por iso, ADOS convida os cidadáns a "mostrar o seu carácter xeneroso e solidario" debido a que "o aumento na demanda de compoñentes sanguíneos e a coincidencia de datas festivas nestas semanas" repercutiu nos niveis de reservas dos distintos grupos sanguíneos, engade, "a causa do incremento da actividade asistencial hospitalaria e dos transplantes de órganos". Para facilitar a doazón, desprazará dez unidades móbiles nos próximos días por numerosos municipios galegos, ademais de ofrecer a posibilidade de acudir aos locais existentes no sete grandes cidades galegas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.