Catro novos mortos elevan a 2.325 as vítimas da pandemia en Galicia

A Consellería de Sanidade informou este martes de catro novos falecementos vinculados coa covid-19 na comunidade, co que a cifra total de vítimas mortais da pandemia ascende a 2.325.

En concreto, Sanidade notificou tres falecementos producidos este luns: o dun home de 79 anos ingresado no Hospital de Santiago e o dunha muller de 89 anos e un home de 86 ingresados en Vigo.

A maiores, este martes produciuse a morte dunha muller de 58 anos que se atopaba ingresada no Complexo Hospitalario de Santiago.