Aena aproveita o parón aéreo da covid para reformar a pista de Lavacolla
Permanecerá pechada ata o próximo 4 de xullo, pero só polas noites.
Por E.P. | SANTIAGO DE COMPOSTELA | 07/04/2021 | Actualizada ás 12:01
A pista do aeroporto de Santiago-Rosalía de Castro permanecerá pechada durante a noite ata o próximo 4 de xullo para completar as obras de renovación do pavimento. O peche producirase desde o momento en que se produza a última operación prevista da xornada ata o primeiro voo da mañá, que se desenvolverá unha vez que os profesionais da Axencia Estatal de Seguridade Aérea (AESA) realicen as comprobacións de seguridade necesario.
A clausura en horario nocturno durante os próximos meses foi adoptaba, segundo explica Aena nun comunicado, para minimizar o impacto das obras que se desenvolven no aeroporto compostelán. En concreto, Aena leva a cabo desde o pasado verán actuacións por un importe de 4 millóns de euros que consisten na construción dun muro noiro, a adecuacion de obxectos en áreas operacionais e a mencionada renovación do pavimento da pista.
Estas obras responden as recomendacións da AESA vinculadas á certificación de aeródromo que o aeroporto Rosalía de Castro ten desde o ano 2017.
