O investigador da UDC Juan Romeu, galardoado polo seu labor no campo da intelixencia artificial

O investigador da Universidade da Coruña (UDC) Juan Romeu foi galardoado co 'Award for Outstanding Contribution to Evolutionary Computation in Europe', segundo informa o reitorado.

Este premio europeo outórgase ao investigador que máis contribuíu á investigación en intelixencia artificial e á técnica de computación evolutiva nos últimos anos.

"Juan Romeu formou parte activa no crecemento da Intelixencia Artificial aplicada ás tarefas creativas e estéticas como artes, música ou deseño, sendo fundador do maior congreso internacional dedicado a intelixencia artificial aplicado a temas de creatividade e estética", explica a UDC.

Juan Romeu, profesor da UDC. UDC | Fonte: Europa Press