Apartamentos, cámpings e casas rurais de Galicia triplicaron os seus viaxeiros en marzo

Galicia rexistra 6.800 viaxeiros máis que en marzo do 2020, mes no que comezou o confinamento.

Por Europa Press / Redacción | SANTIAGO DE COMPOSTELA | 04/05/2021 | Actualizada ás 11:36

Comparte esta noticia

Os apartamentos, cámpings e aloxamentos de turismo rural de Galicia rexistraron durante o mes de marzo 10.058 viaxeiros, o que supón algo máis de tres veces os aloxados no terceiro mes de 2020, cando se iniciou o confinamento motivado pola pandemia de covid-19.

A pesar das restricións que seguiron vixentes á mobilidade, os aloxamentos extrahoteleiros galegos tiveron este mes de marzo 6.771 clientes máis que hai un ano. Deles, a maior parte eran españois, 9.723, mentres que 336 eran estranxeiros. As pernoctacións duplicáronse, pasando de 11.381 a 21.975.

En canto á procedencia, os peches de fronteiras e as dificultades de mobilidade tamén tiveron efecto, xa que mentres os viaxeiros nacionais aumentaron significativamente, pasando de 2.738 en marzo de 2020 a 9.723, os internacionais baixaron de 550 a 336.

Por tipo de aloxamento, os cámpings galegos aloxaron a 1.489 persoas, fronte ás 15 que pasaron por eles hai un ano. Pola súa banda, os apartamentos rexistraron a 5.364 persoas, fronte ás 1.893 de marzo de 2020. Finalmente, os aloxamentos rurais pasaron de 1.379 usuarios hai 12 meses a 3.205 en marzo de 2021.

Casa Rural. CLUBRURAL - Arquivo
Casa Rural. CLUBRURAL - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta