Por E.P. | A CORUÑA | 20/05/2021 | Actualizada ás 17:44
A Policía Local da Coruña detivo a un home de 74 anos, veciño de Culleredo, como suposto autor de tocamentos a un menor de 16 anos, segundo informa.
Dous equipos policiais acudiron á zona de Catro Camiños sobre as once da mañá do mércores despois de que o mozo requierese a súa presenza ao ser vítima, presuntamente, de tocamentos por parte do home, quen previamente lle ensinou fotografías de mozos espidos.
O denunciante sinaloulles quen era o agresor e os axentes solicitaron seguidamente a documentación, á vez que o informaron do motivo da súa intervención.
O home comezou nese momento "a manipular o seu móbil de maneira moi nerviosa para borrar as imaxes de contido sexual que tiña gravadas, polo que o suxeitaron do brazo evitando que esas probas se perdesen", informa o consistorio sobre a actuación realizada.
Máis tarde, un segundo equipo entrevistou ao denunciante, que lles contou que estaba a descansar nun banco cando o detido lle pediu lume e sentou xunto a el para piropealo e mostrarlle as fotos. Ademais, dixo que o home lle introduciu a man no interior da súa camiseta e acariñoulle as costas, tratando el de defenderse para, pedir logo, axuda á Policía.
Ao septuaxenario, que ingresou nos calabozos para polo a disposición da autoridade xudicial, tamén se lle interveu outra terminal polo que se investigarán se participou antes noutros feitos delituosos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.