Candidato serio ao ascenso

Ficha técnica
Recreativo: Cabrero; Cifu (Córcoles, 80'), Ruymán, Menosse, Vega; Jesús Vázquez, Montoro, Dimas; Gallegos (Ezequiel, 61'), Linares (Araujo, 84') e Joselu.
Deportivo: Lux; Laure, Pablo Insua, Marchena, Manuel Pablo; Juan Carlos, Alex Bergantiños; Luisinho (Arizmendi, 91'), Culio, Seoane (Antonio Núñez, 66') e Luis Fernández (Rudy, 81').
Goles: 0-1: Pablo Insua (80').
Árbitro: Amarelas a Linares (54') no Recreativo e a Marchena (60') no Deportivo.
Incidencias: partido da 13ª xornada da Liga Adelante no Novo Colombino ante 10.732 espectadores.

Non era tan fero o líder como o pintaban. O Dépor anolu o Recre na primeira parte, estirou liñas tralo descanso e trouxo os tres puntos cun gol de Insúa coa testa nun córner. Un exercicio impecábel. O líder, de Sergi Barjuán, acabou frustrado. E o Dépor adianta o Lugo e xa é segundo, en postos de ascenso directo e a tres puntos do rival de hoxe. E iso que non xogaron os habituais. Wilk, Kaká e Juan Domínguez mancados. Rudy, Arizmendi e Borja Bastón no banco. Xogaron catro laterais: Manuel Pablo e Laure, no seu sitio, e Seoane e Luisinho por diante. En punta, Luis Fernández, que tralo primeiro gol na xornada anterior co Castela, fixo un gran partido.

Como ben sendo tradición, o Dépor saiu a esperar o rival, ben armado atrás. O Recrea tiña o balón, pero non era quen de chegar con claridade á área de Lux. Foi no 30 o primeiro disparo dos locais, Montoro dende fóra coa zurda. Lux despexou a córner a mellor ocasión do Recre, no 33', nun remate de Linares. As mellores do Dépor foron unha falta de Culio, que saiu preto do pau de Cabrero e un chute de Luis Fernández, tamén preto do pau. Xa cos primeiros 45 cumpridos, Lux paroulle outra a Linares.

O Dépor saiu tralo paso por vestiarios máis ambicioso. Estirou liñas, adiantou a presión e o Recre foi perdendo empuxe. Antonio Núñez entrlou por Seoane para darlle maís profundidade. Juan Carlos e Luis Fernández avisaron o Recre e o árbitro anulou un gol a Marchena por fóra de xogo. Xa no 80', chegou o 0-1. Como nas Palmas, tras un córner de Culio, chegou o gol de Insúa coa testa.

O líder quedou tocado e a partires de aí, namáis que houbo un equipo sobre o campo.
Non pasou apuros o Dépor e incluso tivo algunha ocasión para o 0-2. Tres puntos de ouro. Un golpe de autoridade na casa do líder. Quinta vitoria fóra en sete partidos. Os coruñeses xa non agochan que son un serio candidato ao ascenso.