Novo accidente dun tractor en Agolada

Efectivos de Urxencias Sanitarias 061 evacuaron na tarde deste luns a un home que resultou ferido ao envorcar o tractor que manexaba nunha leira de Agolada.

Segundo informou o CIAE 112 Galicia, o accidente tivo lugar en Couso de Abaixo, na parroquia de Borraxeiros, minutos antes das 17,45 horas.

Ata o lugar desprazouse o helicóptero do 061, que procedeu ao traslado ao CHUS do accidentado con feridas de consideración.

Tractor EP | Fonte: REMITIDO - Arquivo