A poboación entre 40 a 49 anos poderá recibir a vacina de Janssen
Goberno e autonomías acordan subministrar esta solución a este sector unha vez se complete a vacinación contra a COVID-19 dos maiores de 50 anos.
Por Europa Press / Redacción | Madrid | 01/06/2021 | Actualizada ás 19:41
A Comisión de Saúde Pública, na que están representadas o Ministerio de Sanidade e todas as comunidades e cidades autónomas, acordou que unha vez se complete a vacinación contra a COVID-19 dos maiores de 50 anos, se continúe vacinando o grupo de 40 a 49 anos coas vacinas de ARNm (Pfizer e Moderna) e Janssen.
Da mesma forma, segundo anunciou o Ministerio, tamén se acordou facer novas achegas á actualización das 'Actuacións de resposta coordinada para o control da transmisión de COVID-19'. Así mesmo, seguirase traballando nun documento de 'Medidas de prevención, hixiene e promoción da saúde fronte a COVID-19 para as actividades de tempo libre dirixidas á poboación infantil e xuvenil 2021'.
Por outra banda, durante a reunión lembrouse ás comunidades autónomas que teñan previsto o proceso de vacinación previa á incorporación do MIR e outros especialistas. Da mesma forma, o Ministerio avanzou que tamén se está traballando no documento de 'Recomendacións de vacinación fronte á gripe tempada 2021-2022'.
