Por Europa Press / Redacción | SANTIAGO DE COMPOSTELA | 07/06/2021 | Actualizada ás 14:21
A 'Tarxeta Benvida', a axuda directa que ofrece a Xunta en apoio ao coidado dos máis pequenos e de fomento a natalidade, estrea nova imaxe a través dun completo redeseño no que viste as cores de Galicia: o azul e o branco. Un cambio de deseño que ten lugar en plena crise económica pola Covid e que implicará gastos adicionais.
A conselleira de Política Social, Fabiola García, presentou este luns este "lavado de cara" tanto do cartón como da cesta de benvida nun acto ao aire libre e no que estivo acompañada de dúas das beneficiarias desta iniciativa.
Cruz e o seu fillo Anxo formaron parte das primeiras familias que recibiron esta prestación na primeira convocatoria no ano 2016. Ela dedicou o cartón a un uso "totalmente farmacéutico" e aproveitou a axuda para aforrarse o gasto de vacinas que non entran na cobertura da seguridade social ou para comprar un leite específico que necesitaba o pequeno.
Raquel e Marco, pola súa banda, foron parte dos beneficiarvos na última convocatoria da prestación, que dedica sobre todo a cueiros e a cuestións sanitarias (como as vacinas), necesidades que "hoxe en día teñen un custo moi elevado". "Estamos moi contentos, engadiu
ACTO DE XENEROSIDADE
A titular de Política Social agradeceu a presenza de ambas as para "compartir este acto" de presentación da nova imaxe da 'Tarxeta Benvida', unha iniciativa que beneficiou xa a máis de 70.000 familias tanto a través de contías directas como con descontos adicionais nos comercios adheridos á campaña.
Así, reivindicou o apoio á natalidade como un dos "eixos prioritarios" da acción do Goberno galego, especialmente a través do cartón e da cesta de benvida que suman xa cinco anos de traxectoria e máis de 146 millóns de euros de investimento.
MEDIDAS DE APOIO
As familias beneficiarias reciben ata 1.200 euros no seu primeiro ano, o dobre no caso das numerosas (terceiro fillo ou sucesivos), que se poden estender ata o tres ou ata o catro anos no caso dos fogares que máis o necesitan. Estas contías poderían incrementarse ata un 25 por cento e chegar aos 3.000 euros ao ano no caso dos pequenos nados nas zonas rurais (núcleos con menos de 5.000 habitantes).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.