Por E.P. | SANTIAGO DE COMPOSTELA | 10/06/2021 | Actualizada ás 11:59
O Goberno galego abre este venres o prazo para presentarse aos premios extraordinarios de ensinos artísticos profesionais, unha iniciativa que busca pór en valor os méritos académicos, os resultados e o esforzo de seis dos alumnos que terminaron os seus estudos no presente curso.
O Diario Oficial de Galicia publica este xoves a convocatoria, que inclúe un total de tres galardoes para a modalidade de 'Música', dúas para 'Artes plásticas e Deseño' e outro máis para a categoría de 'Danza'. Todos eles recibirán un montante que ascende a 1.000 euros, un 18% máis que a pasada edición, ademais dun diploma acreditativo.
Para iso, será necesario unha media igual ou superior ao 8,75 nos dous últimos cursos destes ensinos profesionais de Música e Danza ou no ciclo formativo de grao superior de Artes Plásticas e Deseño.
Así mesmo, no caso da modalidade de 'Música' terán que presentar unha copia dunha gravación de vídeo con tres pezas de diferentes estilos (dous no caso de 'Danza') e dunha dificultade non inferior ao nivel de sexto curso destes ensinos profesionais.
No caso da terceira modalidade, será necesaria a memoria e a documentación gráfica do proxecto integrado ou final do ciclo formativo. O prazo de presentación de solicitudes estenderase desde este venres, día despois da publicación da convocatoria no DOG, ata o próximo 7 de xullo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.