Extinguido o incendio declarado en Dodro e estabilizado outro no Bolo

Por Galicia Confidencial | Santiago de Compostela | 11/06/2021 | Actualizada ás 20:14

Comparte esta noticia

O lume declarado no concello de Dodro (A Coruña), parroquia de Laíño, quedou extinguido tras queimar 0,13 hectáreas, segundo estimacións provisionais.

Lume en Dodro
Lume en Dodro | Fonte: @Incendiosgalic1 - Twitter.

Segundo informa a Consellería do Medio Rural, o lume quedou apagado ás 19,44 horas. O incendio declarouse ás 18,19 horas. Traballaron unha motobomba, unha brigada e un axente.

Pola súa banda, un lume no concello do Bolo (Ourense), parroquia homónima, iniciouse sobre as 17,00 horas e estabilizouse pasadas as 19,00 horas. Polo momento, queima 2,5 hectáreas.

Nas tarefas para a extinción deste lume participan: dous avións, un helicóptero, tres motobombas, cinco brigadas e dous axentes.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta