Por Galicia Confidencial | Compostela | 22/07/2021 | Actualizada ás 21:45
A Consellería de Sanidade comunicou nesta xornada o falecemento dunha muller diagnosticada con coronavirus, polo que as vítimas mortais vinculadas á covid-19 en Galicia ascenden a 2.444. A muller, de 84 anos, faleceu no CHUVI e presentaba patoloxías previas.
A última vez que Sanidade notificou óbitos vencellados á pandemia foi este luns, cando comunicou o falecemento dunha muller de 76 anos de idade falecida o 16 de xullo no Complexo Hospitalario Universitario de Santiago de Compostela (CHUS) e que presentaba patoloxías previas.
Conforme foi avanzando o proceso de vacinación o número de falecidos que se notificaba cada día foi en descenso na Comunidade, na liña do que sucede no resto do país.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.