O PSdeG critica que "centos" de peregrinos non atopan praza nos albergues pola redución de aforamentos

A portavoz de Turismo do Grupo Socialista, Leticia Gallego, reclama á Xunta "unha solución inmediata de aloxamento".

Por Europa Press / Redacción | SANTIAGO DE COMPOSTELA | 30/07/2021 | Actualizada ás 18:54

Comparte esta noticia

A portavoz de Turismo do Grupo Socialista, Leticia Gallego, reclamou á Xunta "unha solución inmediata de aloxamento" para os "centos" de peregrinos que asegurou que "non teñen onde pasar a noite" pola redución de aforamentos dos albergues, a consecuencia das medidas para loitar contra a propagación do coronavirus.

A deputada presentou unha batería de iniciativas nas que alerta de que os peregrinos se están atopando "serios problemas" para atopar praza nos albergues. "Moitos mesmo piden durmir no chan ante a desesperación", asegura, despois de que "durante toda a semana pasada moitos albergues colgaron o cartel de completo".

A deputada socialista asegura que a falta de prazas nos albergues está a crear "malestar e queixas por parte destes turistas" e alerta de que ofrece unha imaxe "que non é boa nin para o turismo, nin para o ano Xacobeo, nin para Galicia".

Os aforamentos dos albergues dependen do nivel de restricións de cada municipio. Para Leticia Gallego, o Goberno autonómico debería ter algunha alternativa ante unha situación que "era bastante previsible estando nunha pandemia".

Un grupo camiña dirección a Santiago de Compostela pola ruta do Camiño de Santiago francés, a 17 de xuño de 2021, en Lugo.. Carlos Castro - Europa Press
Un grupo camiña dirección a Santiago de Compostela pola ruta do Camiño de Santiago francés, a 17 de xuño de 2021, en Lugo.. Carlos Castro - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta