Detectados 7 positivos en usuarios dunha residencia de Monterrei que elevan a 25 os contaxios nese centro
En Galicia hai 58 maiores contaxiados.
Por Europa Press / Redacción | SANTIAGO DE COMPOSTELA | 10/08/2021 | Actualizada ás 13:20
Sete positivos de usuarios detectados na Residencia Val de Monterrei, nesta localidade ourensá, eleva a 25 os contaxios nesta instalación e sitúa en 58 os usuarios en xeriátricos con Covid en Galicia.
Segundo informaron este martes as consellerías de Sanidade e Política Social, detectáronse sete positivos na Residencia Val de Monterrei e saíu da lista por negativizar un usuario da Bo Día Magnolio de Vigo, o que eleva os casos a 58 usuarios contaxiados --seis máis-- en 10 centros.
En concreto, a Residencia Val de Monterrei conta con 25 casos entres os seus usuarios; hai nove na Santo Estebo de Perlío de Fene (A Coruña); sete na Residencia de Ribadeo; seis na Vivenda comunitaria de Alfoz (Lugo); cinco na Soremay de Pontevedra; e dous a Concepción Arenal da Coruña.
Pola súa banda, cun contaxio cada unha atópanse a Residencia Caser A Zapateira, a Residencia de Chandrexa de Queixa, a Bo Día Magnolio de Vigo e a DomusVi Vigo, segundo os datos actualizados.
En canto ás residencias de atención á discapacidade, mantéñense 31 casos de Covid en usuarios, todos eles no Fogar e Clínica de San Rafael en Vigo.
