Por E.P. | SANTIAGO DE COMPOSTELA | 30/08/2021 | Actualizada ás 17:26
A xunta de goberno da Deputación de Ourense aprobou este luns a concesión de máis de 500.000 euros en axudas aos ámbitos da cultura, deporte, cooperación con municipios e emprego.
En concreto, aprobáronse catro subvenciones por 34.200 euros no marco do programa 'EmprendOU', para proxectos empresariais e de autoemprego en zonas rurais en declive demográfico e que están destinadas a hostalaría, actividades culturais e construción en Valga e a transporte de mercadorías en Amoeiro.
En cultura, aprobouse unha subvención de 7.000 euros a favor da asociación do Festival de Teatro Galego do Carballiño e de 6.000 euros para o Festival Hércules Brass.
En deportes, o Club Deportivo Cultural Ribeiro recibirá 6.000 euros para gastos de funcionamento e a Asociación Ourensá de Xadrez preto de 5.300 euros para as escolas deportivas.
En cooperación con municipios, pola súa banda, aprobáronse 47.000 euros para Avión para arranxo de emerxencia da vía Pardelapa-Mangueiro; 30.000 euros para o parque empresarial de Lebozán en Beariz e 82.000 euros para Cortegada destinados á iluminación exterior do polígono industrial, entre outras.
Doutra banda, a xunta de goberno aprobou a modificación das bases reguladoras do concurso público para a concesión de bolsas 'Erasmus Rural Interreg Raia Termal', tras detectarse un erro nas contías do texto inicial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.