Australia confía nos buques militares construídos en Ferrol
Asina a aceptación do segundo buque AOR construído en Navantia. O barco militar superou todas as probas ás que foi sometido
Por Europa Press / Redacción | SANTIAGO DE COMPOSTELA | 09/09/2021 | Actualizada ás 13:23
O departamento de Defensa do Goberno de Australia asinou o certificado de aceptación do buque do tipo AOR 'Nuship Stalwart', segunda das unidades que o estaleiro de Navantia executou nas súas instalacións de Ferrol.
A firma tivo lugar tras superar con éxito as súas probas de mar, desenvolvidas no mes de agosto, onde se verificou os correcto funcionamentos dos sistemas de combate, comunicacións e navegación, alcanzando en todas elas un alto grao de satisfacción por parte do cliente.
O buque do tipo AOR partiu de Navantia Ferrol o pasado 20 de maio rumbo á cidade de Perth, onde chegou un mes máis tarde, concretamente 21 de xuño. Durante as seguintes semanas completáronse as actividades de equipamento e probas do barco, cun equipo de 26 persoas do estaleiro ferrolán que viaxaron a bordo do buque e que participaron tamén no diferentes test aos que foi sometido o buque.
A construción deste buque en Navantia xerou 1,5 millóns de horas de traballo, sen incluír a fabricación e subministración de motores principais, diésel xeradores, reductoras e Sistema Integrado de Control de Plataforma. A todo iso hai que sumar o apoio ao ciclo de vida do buque por un período de 5 anos.
AMPLIACIÓN DE CONTRATO
Coincidindo coa formalización da aceptación do buque, o Ministerio de Defensa de Australia e Navantia asinaron ademais unha ampliación do contrato, para a extensión dos servizos de shipkeeping e mantemento do buque ata o 27 de setembro.
Este acordo dá continuidade á liña de traballo desenvolvida por Navantia durante o proceso de probas e está encamiñada a dar soporte durante o proceso de transición previo ao traspaso do buque á Real Mariña Australiana.
Dentro de dita extensión incluiranse así mesmo servizos de training e familiarización á dotación, o que supón un gran valor engadido para o cliente. Nesta data, prodúcese tamén o inicio do período de garantía do buque.
