Por E.P. | SANTIAGO DE COMPOSTELA | 14/09/2021 | Actualizada ás 14:52
A conselleira de Infraestruturas, Ethel Vázquez, selou este martes co alcalde de Padrón, Antonio Fernández Angueira, o convenio para investir tres millóns de euros na redución do risco de inundación nos ríos Ulla e Sar.
A previsión é licitar as obras a mediados de 2022 e que rematen a finais de 2023, no marco do convenio de fondos europeos Feder cos que se financia a actuación.
Así, prevese a mellora de espazos fluviais e a drenaxe do río Sar no cruzamento coa estrada AC-301, cunha actuación na ponte sobre a vía; á vez que se actuará no espazo fluvial e a drenaxe en Avelenda, en Iria Flavia.
Paralelamente, protexerase a marxe dereita do río Ulla, entre a desembocadura da canle de derivación do río Sar e a ponte da estrada N-550.
A Xunta asume a redacción dos proxectos, a licitación e a execución de obras, mentres o Concello de Padrón porá a disposición os terreos e recibirá as obras para o seu mantemento.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.