Por E.P. | PONTEVEDRA | 24/09/2021 | Actualizada ás 19:51
A Subdelegación do Goberno de Pontevedra prohibiu a realización dunha manifestación convocada pola CIG e que tiña previsto desenvolver o próximo 1 de outubro, entre as 10 e as 14,00 horas, coincidindo coa última xornada do III Foro A Toja na illa da Toxa --O Grove--, segundo informou a central sindical.
A mobilización tiña como fin denunciar ante os seus responsables a "estafa dos prezos da enerxía eléctrica, o peche de oficinas bancarias que a Xunta financia con subvencións e a grave crise económica, industrial e laboral que padece Galicia".
O secretario xeral da CIG, Paulo Carril, mostrou a súa "indignación" por esta decisión e, sobre todo, tendo en conta que "noutras ocasións" celebrouse "con total normalidade". Así, anunciou que interporá un recurso contencioso administrativo ante o Tribunal Superior de Xustiza de Galicia (TSXG).
Pola súa banda, o BNG avanzou que esixirá á Xunta no Parlamento que "deixe de apoiar" este foro, un "evento que vulnera abertamente a lei de normalización lingüística" e que "pretende blanquear ao capital depredador".
A xuízo da deputada do BNG Montse Prado, este foro é "unha copia casposa de conclave de excelencia do neoliberalismo máis salvaxe e machista, que practica un total desprezo pola nosa lingua e toponimia".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.