Por E.P. | SANTIAGO DE COMPOSTELA | 04/10/2021 | Actualizada ás 21:53
Poesía e fotografía dialogan nunha nova homenaxe en forma de exposición á escritora Xela Arias que poderá visitarse ata o próximo 28 de novembro na sede da Deputación de Pontevedra en Vigo.
A inauguración da mostra, que recolle 21 poemas asociados a 21 fotografías en torno ao libro 'Tigres como cabalos', tivo lugar na tarde deste luns.
A mostra en honra á protagonista do Día das Letras Galegas 2021 articula unha proposta que xoga coas imaxes e a poesía, idea do libro no que se inspira a exposición.
Sete mulleres das letras galegas --Tamara Andrés, Alba Cid, Lorena Conde, Lara Dopazo, Miriam Ferradáns, Olga Novo e Antía Otero-- achegan os seus textos apoiadas nas imaxes dos artistas Eva Díez e Fran Hermello.
A exposición pode visitarse desde este luns ata o próximo 28 de novembro na sala Rosalía de Castro da sede da Deputación de Pontevedra en Vigo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.