A Deputación de Pontevedra tínguese este venres de azul turquesa polo Día Internacional da Dislexia

A sede da Deputación de Pontevedra tinguirase este venres de azul turquesa no marco do Día Internacional da Dislexia, que se conmemora este 8 de outubro. A institución provincial únese así á campaña #Unidosporladislexia, impulsada pola Asociación Dislexia e Familia (DISFAM), a Federación Española de Dislexia (FEDIS) e a Organización Iberoamericana das DEA (OIDEA).

O obxectivo é dar visibilidade a este trastorno, que afecta ao 10% da poboación mundial e uns 800.000 nenos e nenas no Estado, dos que só un terzo reciben atención profesional. Deste xeito, o pazo provincial será iluminado de azul turquesa, cor que se liga ás persoas con dislexia.

A Deputación de Pontevedra mostra unha pancarta con motivo do 8M.. DEPUTACIÓN DE PONTEVEDRA