Por E.P. | SANTIAGO DE COMPOSTELA | 15/10/2021 | Actualizada ás 17:18
As xornadas sobre patrimonio histórico, organizadas polo Servizo de Formación Continua do Consello Xeral do Poder Xudicial (CGPJ), no Museo das Peregrinacións de Santiago de Compostela, incidiron na importancia de protexer as rutas de peregrinación a Santiago.
Fixérono nunhas xornadas que se clausuraron este venres. A directora do curso, María Dolores Rivera Frade, maxistrada presidenta da Sala do Contencioso-administrativo do Tribunal Superior de Xustiza de Galicia, destacou que "non só se tratou dun encontro para o debate xurídico, senón tamén dun encontro cultural".
O vogal do CGPJ José Antonio Ballestero Pascual pechou as xornadas, iniciadas o pasado 13 de outubro e organizadas coa colaboración da Xunta de Galicia.
Tanto os intervintes nelas como as visitas culturais realizadas, entre elas ao Pórtico da Gloria, contribuíron, segundo Rivera, "a enriquecer aos asistentes como xuristas e como persoas, valorando un patrimonio común que, como cidadáns, temos obrigación de conservar".
A directora, ademais, explica que, no curso, tratouse "a vinculación do patrimonio co urbanismo, a necesidade de protexelo a través do plan e a importancia de delimitar as contornas dos bens protexidos". Ademais, ofreceuse "unha visión europea e nacional do réxime de acceso e visitas dos bens de interese cultural, así como do réxime xurídico das intervencións neses bens".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.