O PP propón como senador a Serrano unha semana despois de deixar a alcaldía de Portomarín
É o elixidido para sibstituír a Jesús Vázquez Abad tras renunciar ao seu cargo. O ex-alcalde dixo que deixaba o bastón de mando para dedicarse á súa empresa e familia.
Por Europa Press / Redacción | Santiago de Compostela | 25/10/2021 | Actualizada ás 19:03
O Grupo Parlamentario Popular rexistrou na Cámara galega a súa proposta para substituír a Jesús Vázquez Abad como senador por designación autonómica, cargo ao que o que fora conselleiro de Educación con Alberto Núñez Feijóo renunciou recentemente. A proposta é Juan Carlos Serrano, que hai algo máis dunha semana presentou a súa renuncia á Alcaldía de Portomarín (Lugo) coa intención de dedicarse, dixo, a si "mesmo" e envorcarse coa súa empresa e a súa familia. En todo caso, afirmou que continuaría como concelleiro do Grupo Popular no Concello.
O Grupo do PPdeG vén de rexistrar esta proposta, que será votada nun pleno extraordinario este martes, minutos antes de que comece a sesión ordinaria.
Serrano López é empresario relacionado co sector avícola. O pasado luns transcendeu publicamente --rexistrouse o venres anterior-- a súa renuncia como alcalde de Portomarín, cargo que ostentaba desde maio de 2011.
No cargo substituiralle o seu número dous no goberno municipal, Pablo Rivas, a quen deixou a mensaxe de que "antepuxese os intereses" do concello por enriba dos do partido.
ARGUMENTOU CUESTIÓNS PERSOAIS
Fontes do PP argumentaron a saída de Serrano da Alcaldía nunha cuestión persoal, vinculado a que necesitaba "máis tempo para a súa empresa e a súa familia". Ademais, o partido tamén indicou que era unha decisión pactada de hai tempo, respecto do que o propio Serrano dixo despois que o único que faltaba era decidir o momento.
O PSOE de Portomarín, con todo, criticou este movemento e pediu explicacións e información ante a "opacidade" na renuncia do alcalde saínte, ao cal agora se lle dá continuidade política asumindo, se se ratifica no pleno (para o que bastarán os votos dos populares), o de senador por designación autonómica.
Ademais do que tamén fora alcalde de Ourense, en novembro de 2019 foron elixidos senadores por designación autonómica Elena Muñoz --tamén exconselleira de Facenda con Feijóo e que foi candidata á Alcaldía de Vigo-- e o actual presidente de honra do PSdeG --tamén excandidato do PSOE á Xunta--, Xoaquín Fernández Leiceaga.
