Temas: RADON CSIC CIENCIA

Encontrado un sistema efectivo no control de niveis de radón en edificios avalado polo CSIC

Trátase dun sistema que funciona "como un pulmón artificial" que "aspira aire novo tomado do exterior, fíltrao e introdúceo tratado na estancia", co que o aire contaminado é expulsado ao exterior a través dunhas reixas.

Por E.P. | SANTIAGO DE COMPOSTELA | 02/11/2021 | Actualizada ás 20:08

Comparte esta noticia

Un estudo confirmou a efectividade dun sistema desenvolvido pola empresa Murprotect en colaboración co Centro Superior de Investigacións Científicas (CSIC) á hora de controlar os niveis de radón, un gas radioactivo incoloro e inodoro presente en gran parte das vivendas do oeste peninsular, incluída Galicia.

Segundo informa a compañía e CSIC, a investigación determinou que as tecnoloxías de tratamentos de aire en interiores coas que traballa a empresa pode "supor unha opción válida no tratamento do gas radón".

Trátase dun sistema que funciona "como un pulmón artificial" que "aspira aire novo tomado do exterior, fíltrao e introdúceo tratado na estancia", co que o aire contaminado é expulsado ao exterior a través dunhas reixas.

Isto permite a renovación continua de aire no interior sen necesidade de abrir as xanelas. Os estudos determinaron que o uso deste sistema logra reducir a concentración por baixo do limiar de referencia da normativa establecido en 300 Bq/m3.

Investigacións do CSIC. CSIC
Investigacións do CSIC. CSIC

Temas: RADON CSIC CIENCIA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta