Endesa recibirá o segundo buque con carbón para reactivar a central térmica das Pontes

Endesa recibirá este domingo, 14 de novembro, o segundo buque con carbón para a central térmica que teñen nas Pontes de García Rodríguez, que viaxa no 'Bahri Trader', e que ten previsto atracar ao mediodía desa xornada no porto exterior de Ferrol.

Alí, está previsto desestibar 80.000 toneladas de mineral na terminal que a empresa eléctrica ten, para posteriormente ser levado por estrada ata o parque de carbóns situado no propio complexo enerxético, que almacena as 40.000 toneladas de carbón e que levan meses a cuberto.

O buque, de bandeira de Arabia Saudita e 229 metros de eslora, navegaba no mediodía deste venres, día 12, por augas do Estreito de Gribaltar, para posteriormente atravesar a zona de costa portuguesa e atracar en Ferrol.

Será este o segundo buque que atraque en Caneliñas nas últimas semanas, despois de que o 28 de outubro xa o fixese o barco 'Lady Deniz', que deixou unhas 20.000 toneladas na rada exterior, pola que Endesa disporá, no seu conxunto, unha vez completada a descarga do carbón que chegará o domingo, con 140.000 toneladas para a súa combustión.