Por Europa Press / Redacción | A CORUÑA | 22/11/2021 | Actualizada ás 12:20
Un home acusado de maltratar e abusar da súa fillastra negou que realizase tocamentos e que pegase á menor. Ademais, segundo declarou durante o xuízo que se celebrou este luns na Audiencia Provincial da Coruña, considera que as acusacións se deben aos problemas que el ten coa nai da suposta vítima, que o denunciou en varias ocasións.
Segundo recolle o escrito da Fiscalía, os feitos empezaron cando a nena tiña 8 anos. O acusado fíxolle tocamentos aproveitándose de "a súa curta idade e da súa relación familiar con ela".
Ademais, o Ministerio Fiscal recolle que o procesado agrediu en varias ocasións á vítima. Por iso, pide para o home nove anos de cárcere: seis polo delito de abuso e tres polo de malos tratos. O caso procede dun xulgado de Noia.
Na súa declaración, o acusado negou os feitos e afirmou que "nunca" se quedou a soas coa vítima. Doutra banda, tamén rexeitou calquera tipo de malos tratos cara a ela, aínda que manifestou que era unha "nena problemática".
Pola súa banda, a vítima declarou a porta pechada a petición da Fiscalía e da acusación particular.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.