Por E.P. | A CORUÑA | 03/12/2021 | Actualizada ás 17:51
O delegado do Goberno en Galicia, José Miñones, insistiu na aposta do Executivo pola transformación dixital dos autónomos dentro do Plan de Recuperación, Transformación e Resiliencia.
Fíxoo ao presidir, xunto a outras autoridades, a inauguración da 27ª Edición da Feira de Mostras dos Autónomos de Galicia onde anunciou que antes de fin de ano o Ministerio de Asuntos Económicos e Transformación abrirá a primeira das convocatorias do Programa Kit Dixital.
Serán axudas en forma de bono que permitirán o acceso a diferentes ferramentas do mercado dixital a pequenas empresas. O delegado do Goberno explicou que esta convocatoria conta con 500 millóns e repetirase ata completar 3.000 millóns de euros cos que o Goberno prevé impulsar a dixitalización dun millón de pemes en España.
Na inauguración, o delegado do Goberno tamén fixo referencia á aposta pola modernización e sustentabilidade do comercio local.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.