Temas: AFOGADO

Galicia contabiliza 13 afogamentos en espazos acuáticos no que vai de ano

É o dato máis baixo de falecementos por esta causa desde 2015.

Por E.P. | Santiago de Compostela | 07/12/2021 | Actualizada ás 16:45

Comparte esta noticia

Galicia contabilizou 13 afogamentos non intencionais en espazos acuáticos nos once primeiros meses de 2021 e ningún o pasado mes de novembro, segundo o Informe Nacional de Afogamentos de 2021, elaborado pola Real Federación Española de Salvamento y Socorrismo.

Simulacro de rescate dun afogado
Simulacro de rescate dun afogado | Fonte: Europa Press.

O estudo revela que os once primeiros meses de 2021 ofrecen o dato máis baixo de falecementos por esta causa desde 2015, data na que se iniciou a serie histórica.

En total, en España, os mortos por esta causa nos once primeiros meses do ano son 211 menos que os rexistrados no ano que máis mortes se contabilizaron no mesmo período do ano, en 2017, con 455 afogamentos.

A caída de falecementos nos espazos acuáticos españois rexistrada o pasado ano pola pandemia, confírmase de novo este ano, xa que se o 30 de novembro de 2019, o ano anterior á crise sanitaria, había rexistradas 417 mortes, en 2020 foron 324 e en 2021 rexistráronse 244.

SEXTA COMUNIDADE CON MÁIS AFOGAMENTOS

Por territorios, a Comunidade Valenciana é a que máis óbitos rexistrou entre xaneiro e novembro, con 43, por diante de Andalucía e Cataluña, con 39 en cada caso. Canarias contabilizou 33 afogamentos mortais, Illas Baleares 23, Galicia 13 e Estremadura (10).

Séguenlle Castela e León (9), Rexión de Murcia (7), Comunidade de Madrid (6), Aragón, Asturias, Castela-A Mancha e País Vasco (catro cada comunidade), Cantabria (3) e A Rioxa, Melilla e Navarra, un no tres casos, mentres que Ceuta non rexistrou ningún.

Temas: AFOGADO
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta