Por Europa Press / Redacción | Santiago de Compostela | 21/12/2021 | Actualizada ás 15:24
O conselleiro de Sanidade, Julio García Comesaña, informou de que Galicia rexistra ao redor de 40 casos secuenciados da variante ómicron. Ademais, lembrou que Galicia segue incrementando a capacidade diagnóstica e estenderá a todas as áreas as PCR gratuítas para a poboación xeral.
En canto á evolución da pandemia, Comesaña destacou que na área de Ourense "parece" que estes días poden corresponderse co pico da sexta onda, pero aínda falta por observar a incidencia da ponte e da nova variante do coronavirus.
Lembrou que desde o 25 de novembro a aparición de ómicron entrou como un novo factor, polo que Saúde Pública segue monotorizando a evolución e están "preocupados" e facendo seguimento dos casos en todas as áreas para observar a evolución.
Comesaña destacou a capacidade diagnóstica de Galicia, coas probas nas farmacias (que non se computan a nivel xeral), o covid auto, agora os tests infantís e as PCR, que agora se estenderán aos 14 distritos sanitarios de Galicia, tras iniciarse na provincia de Pontevedra e empezar en Santiago de Compostela este mesmo martes.
Estas probas poderán ser sen cita previa, con autocita ou programada, "unha ferramenta máis" da que Galicia disporá para frear o avance da pandemia.
Comesaña indicou que a dispensación do test en farmacias para nenos de 5 a 11 anos se leva a cabo con normalidade. Esta prescrición incorporouse aos cartóns sanitarios dos menores, un grupo de idade que xa arrincou o proceso de inmunización en días pasados cun nivel de adherencia do 87 por cento.
Os tests empezaron a enviarse o venres pasados e, cando se terminan, vanse repondo nas oficinas de farmacia. "As cousas van con normalidade", asegurou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.