Por Europa Press / Redacción | SANTIAGO DE COMPOSTELA | 07/01/2022 | Actualizada ás 20:08
O candidato á reelección na Secretaría Provincial do PSOE de Ourense, Rafael Rodríguez Villarino, presentou este venres os avais para concorrer ao proceso de primarias no que se medirá ao alcalde de O Barco, Alfredo García.
O actual portavoz dos socialistas na cidade de Ourense solicitou o número máximo de avais requiridos para presentar a súa candidatura ao proceso interno, que arrinca a súa campaña o vindeiro mércores para unhas votacións previstas para o domingo 23 de xaneiro.
Villarino acudiu na tarde deste venres á sede do PSdeG en Santiago de Compostela acompañado por Beatriz Domínguez e Xosé Rúas, representantes da súa candidatura, para cumprir co requisito.
O aspirante á reelección agradeceu o "gran apoio recibido" por parte da militancia e mostrou a súa disposición a "seguir loitando por un futuro mellor para Ourense".
Este sábado está previsto que adversario de Villarino nas primarias, o rexedor de O Barco e expresidente da Fegamp, Alfredo García, rexistre os seus avais para o proceso interno.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.