Por Europa Press / Redacción | Pontevedra | 12/01/2022 | Actualizada ás 19:26
O Concello da Lama denunciou ante a Garda Civil a aparición de varias pintadas machistas nun centro escolar da localidade, cuxa dirección tamén presentou denuncia.
Segundo informa o consistorio, o alcalde da Lama, Jorge Canda, alertado polo director do colexio público da localidade, Rafael Sánchez-Agustino, ordenou á brigada de obras do concello que procedesen a eliminar ditas pintadas. Ademais, formalizouse denuncia para localizar aos autores destes actos vandálicos.
Tratábase de mensaxes sexistas e insultos machistas cara ás mulleres, feitos que foron postos en coñecemento por parte de membros da comunidade escolar a representantes do equipo de goberno solicitando, ademais, a súa eliminación.
O tenente de alcalde e concelleiro de Igualdade, David Carreira, cualificou o feito de "moi grave". "Non só polo feito en si e o contido das pintadas, senón porque se fixo nun centro escolar, exposto á vista dos máis pequenos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.