Administrativos de centros de saúde poderán facilitar partes de baixa e alta, que se descargarán de E-saúde

A Xunta sinala que quedará sempre a expensas do criterio médico a posibilidade de emitir de forma conxunta ou separada os partes.

Por Europa Press / Redacción | Santiago de Compostela | 17/01/2022 | Actualizada ás 20:57

Comparte esta noticia

O Servizo Galego de Saúde (Sergas) habilitará en próximas datas a posibilidade de que o persoal administrativo dos centros de saúde poida imprimir e facilitar os partes directamente aos pacientes, de forma que as persoas que non teñan a posibilidade de acceder á aplicación E-saúde poidan obtelos de forma áxil nos puntos administrativos dos centros sanitarios.

Acceso ao centro de saúde Federico Tapia da Coruña
Acceso ao centro de saúde Federico Tapia da Coruña | Fonte: CESM GALICIA.

Esta é unha das medidas que a Xunta incluirá no sistema que permitirá xestionar as altas e as baixas das incapacidades temporais por covid-19 nun mesmo acto e de cuxas novidades o Sergas informou este luns aos facultativos.

A Consellería de Sanidade explica que, tras a reunión do último Consello Interterritorial do Sistema Nacional de Saúde, o Sergas incorporará a posibilidade de que no momento de dar a baixa nos procesos covid-19 aos pacientes que o necesiten, o persoal médico poida proporcionar a alta correspondente de forma conxunta.

Neste sentido, a administración galega modificará o seu sistema para que, no momento de imprimir e enviar o parte de baixa por covid-19, o sistema almacene a alta do mesmo para, sete días despois, enviala á Seguridade Social.

O departamento sanitario da Xunta destacou que xa iniciou as actuacións necesarias para que este procedemento estea dispoñible o máis rápido posible, co obxectivo de alixeirar a carga detrabajo dos facultativos.

Ademais, tamén habilitou a posibilidade de acceder desde as listas de traballo do sistema Ianus á lista de pacientes que contan con procesos de incapacidade temporal abertos pola covid-19, cando estes conten cunha duración de sete ou máis días. A Xunta subliña que quedará sempre a expensas do criterio médico a posibilidade de emitir de forma conxunta ou separada os partes de alta e de baixa.

Entre as novidades que traballa o Sergas, destaca tamén a dispoñibilidade de acceso e descarga dos partes de Incapacidade Temporal desde a aplicación E-Saúde (dentro da apartado 'Historia clínica'; na opción 'Historia de Saúde Laboral non Sergas').

Ademais, habilitará a posibilidade de que o persoal administrativo dos centros de saúde poida imprimir e facilitar os partes directamente aos pacientes.

Sanidade sinalou que no momento en que estean completamente operativos os cambios, a dirección xeral de Asistencia Sanitaria integraraos na próxima actualización do protocolo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Usuaria de primaria

Nas últimas semans, estou escoitando q os Administrativos/PSX de primaria filtrarán os doentes se se trata de atención urxente ou non. Agora q darán os partes de Baixa/Alta. Ata o Sergas tiña a idea q forman eles os que deran as recetas ós crónicos. Danse conta q este personal é Non sanitario? Teremos q pedir cita tamen para consulta adva cos PSX? Abonaranlle por asumir este tipo de responsabilidades sanitarias a maiores?