Por E.P. | Santiago de Compostela | 22/01/2022 | Actualizada ás 18:00
O delegado do Goberno en Galicia, José Miñones, asegurou que menos de 5.000 persoas permanecen en ERTEs derivados da Covid, fronte ás 175.000 que houbo durante o peormomento da pandemia. Miñones reiterou tamén a súa confianza na capacidade das empresas galegas para captar fondos do Plan de Recuperación.
O descenso dos ERTES, unido á recuperación das taxas deafiliación a niveis prepandemia, é para a Delegación do Goberno, "unha mostra da confianza dos empresarios e empresarias de Galicia no proceso de recuperación económica".
José Miñones detallou que, nos últimos meses, se están intensificando os contactos, reunións e visitas a colectivos de distintos sectores e empresas ao longo de Galicia para pór en común os desafíos que enfrontan os fondos europeos para a recuperación postpandemia.
Destes encontros, o delegado asegurou que as empresas galegas "están preparadas e concienciadas do que supoñen os fondos do Plan de Recuperación para España e para Galicia e do seu papel protagonista no camiño cara unha España xusta, sustentable, dixital e inclusiva".
Miñones tamén lembrou que, no ano 2021, o Goberno xa abonou máis de 11.000 millóns de euros do Plan de Recuperación e que entre este ano e o próximo debe comprometer e investir o restante ata alcanzar o total de 70.000 millóns de euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.