Galicia segue rexistrando pequenos terremotos

Houbo unha serie de sismos ao longo de toda esta semana, os últimos, en Covelo e A Cañiza.

Por Europa Press / Redacción | Santiago de Compostela | 22/01/2022 | Actualizada ás 19:32

Comparte esta noticia

O concello pontevedrés de Covelo rexistrou este sábado, ao redor das 17,00 horas, un novo terremoto, esta vez de magnitude de 2.6 na escala Richter, tras as series de sismos detectados ao longo de toda esta semana.

Movemento sísmico con epicentro en Covelo
Movemento sísmico con epicentro en Covelo | Fonte: IGN.

Segundo informa o Instituto Xeográfico Nacional, ademais do rexistrado en Covelo, na localidade da Cañiza sentiuse, tamén este sábado, un sismo de 2,0 de magnitude.

No caso do concello de Covelo, o deste sábado súmase aos múltiples sismos rexistrados durante toda esta semana. Este pasado venres foron dous os terremotos, un ás 3,30 da mañá cunha magnitude de 2,0; e outro ás 14,27 horas, este de 1,7 na escala Richter.

Xa o xoves esta localidade pontevedresa notificou outros dous sismos, ambos de 2,2 de magnitude, ao redor das 10,10 horas e as 23,32 horas. Este mesmo día o concello de Arbo sentiu outro terremoto de 2,7 de magnitude ás 12,10 horas.

Os sismos deixáronse sentir toda a semana na zona. O mércores tamén Covelo rexistrou pequenos terremotos, oito en total, con intensidades entre 1,6 e 2,7 na escala Richter.

Na madrugada e a mañá do martes tamén se rexistraron varios movementos sísmicos na localidade; xornada na que tamén se notou outro terremoto no concello ourensán de Melón, dunha magnitude de 2,7 na escala de Richter.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta