Briga nega a súa participación na manifestación do 22M en Madrid
Acusa ao director da Policía de tentar "criminalizar" a súa organización.
Por Galicia Confidencial | Compostela | 27/04/2014 | Actualizada ás 08:53
A organización independentista Briga nega a súa participación nos enfrontamentos entre manifestantes e policías que tiveron lugar o pasado 22 de marzo nas marchas da Dignidade de Madrid.
Durante a súa comparecencia o pasado día 23 de abril no Senado, o director xeral da Policía citou a esta organización como participante nestes disturbio. Ademais, Ignacio Cosidó, compareceu para advertir dunha suposta "radicalización" das protestas populares.
Ante estas acusacións, Briga denuncia que o Cosidó "mente consciente ou inconscientemente" sobre a participación desta organización co "obxectivo criminalizador indiscriminado". Por iso, acusa á Policía de realizar exercicios de "autopropaganda e vitimizaçom" e de "mentir" descaradamente. Ao mesmo tempo solidarizase cos detidos e as vítimas destas protestas por parte dos corpos de seguridade do estado.
