Manuel Guisande presenta en Madrid o seu libro «En tu línea»

Na túa liña, de edicións Cumio, é un conxunto de 25 poemas en ton desenfadado e irónico que dan entrada a dúas fotografías e que trata sobre algo tan singular como as liñas das estradas (as continuas e descontinuas) coma se tivesen vida propia. Así, por exemplo, a que está nun cambio de rasante e que parece rematar non baleiro é A suicida; a que é iluminada de noite polos faros dous coches e as luces laterais dás valos protectores é A Vip;  a que desaparece cando repentinamente hai obras é Houdini; e a que vai por paraxes recónditos é Medorenta.

Manuel Guisande sinalou sobre este proxecto que en breve se converterá nunha exposición, que a idea de darlles un sentido ás liñas das estradas xurdiu «como consecuencia de viaxar moito, especialmente de noite, que é cando teñen un efecto hipnótico porque non vemos outra cousa na estrada».

Engadiu que sempre «estiveron connosco desde que somos nenos e con este libro pretendo facer unha interpretación do que nos queren dicir, velas doutra forma».

Perfís

Manuel Guisande (Santiago de Compostela 1958). Entre os seus galardóns destaca o Premio de Comunicación Xunta de Galicia 2000, Premio de Teatro Cidade da Coruña, Paspallás de Prata de Humor e Premio da Asociación de Editores Galegos á mellor colección infantil no 2011 por Rodribico, traducido ao galego e ao portugués e realizada xunto co ilustrador Xosé Tomás. No 2013 publica o libro de artigos humorísticos Ao fondo á dereita, que é estudado polos alumnos de español nas universidades Molloy College (Nova York) e na de Kentucky. Os últimos 25 anos traballou en La Voz de Galicia.

Antonio Amboade  (A Coruña, 1967). Licenciado en Veterinaria pola Universidade de Santiago de Compostela, compaxinou os seus estudos universitarios con cursos de formación fotográfica. Desde entón, de forma autodidacta e mediante a asistencia a talleres impartidos por fotógrafos de renome, obtendo o Ramón Caamaño de Fotografía.Ademais de co Departamento de Español da Universidade de Hannover (Alemaña), no 2012 comeza colaborar con distintos escritores, tendo neste momento en marcha tres proxectos, dos que destaca  O herdeiro do seis reinos?, co escritor cartaxeneiro Miguel Sánchez Juaneda.