O PSOE denuncia a "privatización" da recollida de lixo na provincia de Ourense
Os socialistas denuncian que o beneficio económico "irá parar a aqueles que decida o bipartito provincial".
Por E.P. | Ourense | 16/02/2022 | Actualizada ás 20:58
O Partido Socialista de Ourense denunciou a paralización da "privatización" do servizo de recollida de residuos que a Deputación de Ourense presta a 74 dos 92 municipios da provincia.
Os socialistas aseguran que esta privatización "foi impulsada á forza e sen negociación" polo goberno de Manuel Baltar e o de Gonzalo Pérez Jácome, aos que acusa de querer "empeorar yencarecer o servizo prexudicando aos traballadores e convertendo un servizo universal público nun negocio privado".
Os socialistas denuncian que o beneficio económico "irá parar a aqueles que decida o bipartito provincial". Por este motivo, o portavoz socialista, Rafael Rodríguez Villarino, ha criticadoque trátase de "un negocio do PP e de Democracia Ourensá" cunha cifra "astronómica de 200 millóns de euros.
Así as cousas, o PSOE esixe que se paralice definitivamente esta privatización e pide que se reforce o servizo cun modelo integral baseado nunha xestión pública ao 100%, non mercantil, sen ánimo delucro, transparente e sustentable.
Para o Partido Socialista provincial, "detrás de todo isto só hai un interese económico por parte do goberno bipartito" que está xustificado cun "documento ad hoc" por unha empresa privada, onde "se cita un prezo estimado de licitación que supera os 199 millóns de euros".
En referencia a estes informes, os socialistas preguntáronse como é posible que unha administración pública "faga informes a dedo" para saber se unha empresa privada pode ter intereses en unnegocio. "A propia Deputación deosta este servizo para xustificar a súa privatización", sentenciaron. Deste xeito, Villarino tamén criticou que se trata dunha competencia municipal "coa que Baltar e Jácome xogan para tratar de sacar rédito e facer negocio".
Nesta mesma liña manifestouse o deputado provincial socialista, Nacho Gómez, que puxo en valor un servizo público que "funciona correctamente" e que considera que "hai que mellorar con fondos públicos non con procesos que só se guían polo ego do presidente" e "que non benefician aos veciños".
Así, afeou que Baltar "executa un negocio beneficioso para quen o fai pero ruinoso para os que o van a sufrir". Ademais, avanzou que "por primeira vez na historia" está a impulsarse unha folga de empregados polo "escurantismo dun negocio de moito diñeiro". Por último, trasladou que a postura dos técnicos provinciais que, segundo apuntou, advirten de que será "un servizo ruinoso, moito máis caro e peor".
JÁCOME, DISPOSTO A APOIAR A PRIVATIZACIÓN
Pola súa banda, o rexedor municipal, Gonzalo Pérez Jácome, sostivo que aceptaría a privatización do servizo para a cidade de Ourense "a condición de que a Deputación sufragase os custos", que cifrou nuns 13 millóns de euros anuais.
"Non imos pór nós os nosos recursos para que sexa outra institución a que os goberne, sería o colmo, pero se o paga a Deputación, mañá mesmo", apuntou. Actualmente este servizo de recollida en réxime de competencia delegada abarca 74 dos 92 concellos da provincia, o 80% do total e asume o servizo de Punto Limpo en 64 deses concellos.
