Alcaldes de Ferrolterra reducirán servizos municipais vinculados ao transporte para apoiar ao sector
Trasladan a súa solidariedade cos colectivos afectados pola subida dos prezos dos combustibles.
Por E.P. | SANTIAGO DE COMPOSTELA | 21/03/2022 | Actualizada ás 21:43
Alcaldes e representantes dos concellos de Cabanas, Cedeira, Neda, Ortigueira, Valdoviño, Narón, As Pontes de García Rodríguez, Pontedeume e Ferrol, decidiron na tarde deste luns, 21 de marzo, nunha reunión mantida con transportistas no Concello de Ferrol, "redución de maneira voluntaria servizos municipais vinculados ao transporte e o uso de maquinaria pesada, como mostra de apoio".
Así mesmo, trasladan a súa solidariedade cos colectivos afectados pola subida dos prezos dos combustibles.
Tras finalizar o encontro, a través dun comunicado tamén detallaron que se acordou pedir ás administracións competentes en transportes, Xunta de Galicia e Goberno central, a que abran as vías de diálogo necesarias que permitan solucionar o conflito existente e poidan garantir de maneira negociada o acceso da cidadanía aos servizos básicos".
