Por E.P. | Santiago de Compostela | 04/04/2022 | Actualizada ás 19:05
A Dirección Xeral de Asistencia Sanitaria do Servizo Galego de Saúde (Sergas) informou ao persoal de Atención Primaria da aprobación da Instrución 1/22, que entrará en vigor o 1 de maio, e que permitirá que o persoal de Atención Primaria poida solicitar todas as probas diagnósticas de laboratorio e de imaxe que estean dispoñibles na súa área sanitaria.
Deste xeito, cada categoría profesional accederá desde o centro de saúde no que traballe a todas as probas diagnósticas. Así, poderán facelo os profesionais de Medicina de Familia, Pediatría, Enfermaría, Enfermaría Pediátrica, Obstetricia e Xinecoloxía, Odontoloxía e Farmacia, así como o persoal residente en formación.
Esta medida enmárcase, segundo lembrou Sanidade, no proceso de integración nunha xerencia única de área, e responde á necesidade trasladada polos propios profesionais da Atención Primaria de ter acceso a esas probas.
De feito, tanto o Plan Galego de Atención Primaria como o documento estratéxico 'Por unha atención primaria vertebradora do sistema de saúde' contemplan entre as medidas necesarias a de elaborar un catálogo de probas diagnósticas accesibles desde Atención Primaria.
A Instrución 1/2022, ademais de establecer ese catálogo, equipara a capacidade de solicitude de probas deste persoal sanitario coa que ten o persoal de atención hospitalaria, e "reforza a integración entre os niveis asistenciais".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.